Во Бразил и Аргентина има „врела крв“ секогаш кога нивните фудбалски репрезентации играат еден против друг. Секогаш има тензии, порвокации, прекршоци, контроверзии. Последниот нивен дуел беше прекинат откако здравствени власти втрчаа на терен и забранија играње на неколку играчи поради кршење на протоколите за Ковид-19.
Почетокот на натпреварот ноќеска доцнеше пола час поради масовна тепачка на трибините. Аргентинските навивачи во голем број стигнаа на легендарната „Маракана“. Полицајците ги удираа со пендреци, а никој не знаеше поради што. Хаосот се обиде да го смири капитенот Лионел Меси и неговите соиграчи.
Во еден момент голманот Емилијано Мартинез се качи на трибина и нападна полицаец кој тепаше навивачи. Исто како Звонимир Бобан во 1990 година на „Максимир“ на дуелот Динамо – Црвена Звезда.
Emi Martinez isn’t happy with how the police handled the situation pic.twitter.com/bxg8J80HZ2
— Leo Messi 🔟 Fan Club (@WeAreMessi) November 22, 2023
Натпреварот беше на раб на откажување, но на крајот заврши после долги часови и долги прекини. Заврши со победа на Аргентина 0-1. Стрелец на единствениот гол беше Никола Отаменди. Згора на тоа Бразил остана со играч помалку по исклучување на Жоелинтон.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
