Џејми Карагер и Гари Невил, поранешни играчи и легенди на Ливерпул и Манчестер Јунајтед, соодветно, со години се едни од најпрепознатливите телевизиски лица кога станува збор за фудбалот. Тие долго време работат како стручни коментатори за „Скај Спортс“, а нивните анализи и изјави внимателно ги следи целиот фудбалски свет.
Тие моментално се хит на социјалните мрежи, но од погрешни причини. Огромното мнозинство фудбалски навивачи им се потсмеваат затоа што повторно дадоа неколку предвидувања пред сезоната кои се покажаа како сосема погрешни. Карагер е критикуван затоа што предвидел дека Јунајтед ќе биде меѓу петте најдобри клубови во лигата, додека Невил рече дека ќе бидат трети. Наместо тоа, Манчестер Јунајтед е на 14-то место на табелата, на 23 бода од третото и 21 бод од петтото место.
Карагер, исто така, предвиде дека Нотингем Форест ќе испадне од лигата. Поранешниот европски шампион е моментално шестиот тим во лигата, кој се бори за влез во Лигата на шампионите и е најпријатното изненадување на првенството. Навивачите, исто така, го изнесоа предвидувањето на Невил дека новиот шампион Ливерпул ќе заврши на петтото место. „Црвените“ освоија 82 бода, 22 повеќе од петтата позиција.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
