Јапонскиот ски-скокач Рен Никаидо го освои првото место на третата станица од Трката на четири скокалници, што се одржа денес во Инсбрук.
Никаидо ја прекина победничката серија на Словенецот Домен Превц и го забележа својот прв триумф на еден од четирите престижни скокови во рамките на новогодишната турнеја. До победата стигна со скокови со вкупна 276,5 поени, од кои најдолгиот беше 131 метар.
Превц го заврши натпреварувањето на втората позиција со само 0,5 поени помалку, додека третото место го освои домашниот натпреварувач Штефан Ембахер со 275,8 поени. Друг Австриец, Јан Херл, беше четврти со 269,6 поени.
Во вкупниот пласман на Турот, Превц сè уште води со 619,8 поени. На второто место е Херл со 584,8, додека Ембахер ја зазема третата позиција со 578,3 поени.
Последниот јапонски победник на натпреварот во Инсбрук беше Рјоју Кобајаши во 2022 година, кога го освои и трофејот „Златен орел“. Следната станица од турнејата „Четири скокалници“ во Бишофсхофен.
Innsbruckissa nähtiin hiukean tiukka mäkikisa, jossa kärkikolmikko mahtui 0,7 pisteen sisään. 🤏
Kilpailun voittoon liisi Japanin Ren Nikaido jättäen mäkiviikkoa dominoineen Demen Prevcin toiseksi. Kolmas oli Itävallan Stephan Embacher. 🦅#ViaplayTalvi pic.twitter.com/IJKzG04GTj
— Viaplay Urheilu (@ViaplayUrheilu) January 4, 2026
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
