Словенија ќе делува моќно на претстојното Европско првенство што ќе стартува за два месеца, откако беше обелоденето дека Лука Дончиќ ќе има огромна помош со врвно име во борбата под обрачите.
Џош Нибо настапуваше за Словенија на предолимпоските квалификации на кои оваа селекција не успеа да стигне до олимписки билет, но одличниот центар веднаш „кликна“ со Лука Дончиќ формирајќи тандем од кој ривалите со право стравуваа. Екс-кошаркарот на Макаби имаше кошмарна сезона во дресот на Олимпија Милано проследена со бројни повреди, Словенците стравуваа дека тој нема да може да настапи летово, но првиот човек на федерацијата, Матеј Ерјавец, донесе одлична вест.
„Веќе нема никаква дилема или несигурност. Нибо здрав и е подготвен, тој ќе биде овде од првиот ден на подготовките и ќе биде дел од репрезентацијата за претстојното европско првенство“, истакна Ерјавец.
Словенија е дел од групата Д на Евробаскет 2025 и за ривали во првата фаза ќе ги има селекциите на Франција, Исланд, Полска, Белгија и Израел.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
