Кошаркарите кои доаѓаат од поранешната Југославија ја одбележаа изминатата вечер во НБА лигата. Најдобар повторно беше Никола Јокиќ кој за 28 минути поминати на паркетот постигна 21 поен, 18 скока и 9 асистенции во победата на неговиот Денвер од 126-97 против Феникс.
Одлична партија одигра и хрватскиот интернационалец Бојан Богдановиќ кој со 27 поени, 6 скока и 4 асистенции го предводеше Детроит до победа од 135-118 над Минесота, додека Богдан Богдановиќ реализираше 22 поени и 5 асистенции во поразот на Атланта од Милвоки со 105-114.
Црногорецот Никола Вучевиќ оствари далб-дабл учиниок од 15 поени и 10 скока на кои додаде и 5 асистенции во поразот на Чикаго од Вашингтон со 100-97, натпревар кој беше решен во последните секунди со тројката на Кузма над својот поранешен соиграч Карузо.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
