МЗТ Скопје со зголемен оптимизам и далеку подобра атмосфера отпатува за Црна Гора, каде македонскиот првак утре ќе му гостува на Морнар во новиот предизик во АБА-лигата.
Победата на домашен терен над Цедевита Олимпија ја крена самодовербата кај тренерот Драган Николиќ и неговите избраници, кои ќе мора да повторат слично издание и на гостински терен, ако сакаат да стигнат до првата овосезонска победа надвор од Скопје.
„Во Бар одиме со оптимизам и зголемена саодоверба, но без еуфорија бидејќи не ги забораваме претходните лоши партии, особено на гостински терен. МЗТ е единствен без победа на теренот на некој од противниците и ако сакаме опстанок во АБа ова мора драстично да се промени, секако во наша корист. Очекувам подобра игра на моите кошаркари, кои се надевам дека ќе го задржат квалитетот и нивото на енергија од средбата против Цедевита. Ако го сторат тоа, ќе имаме шанси да се радуваме по пресметката крај Јадранското Море“, изјави Николиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
