Кошаркарите на МЗТ Скопје го претрпеа најубедливиот пораз во АБА лигата откако на гостувањето во Белград против Партизан загубија со 120-67. Фаворизираниот евролигаш улогата ја потврди од самиот старт на мечот, не застана до самиот крај па успеа да постави и нов клупски рекорд на постигнати поени во еден АБА меч.
Тренерот на „сино-белите“, Драган Николиќ не го криеше разочарувањето од поразот, како и од повредата на новото засилување Деандре Кук кој за жал го напушти теренот во првата четвртина и нема да биде дел од тимот во следниот месец.
Николиќ вели дека поразот денеска е очекуван со оглед, а важни се мечевите кои следат. Во нив МЗТ Скопје право на грешка и мора да дојде до изненадувања доколку сака да го задржи статусот во елитното регионално првенство.
„Во името на МЗТ Скопје сакам да им се заблагодарам на гостопримството на сите во Белград почнувајќи од Мега која ни дозволи да тренираме во нивната сала во сабота. Дојдовме порано бидејќи веќе за два дена играме важен натпревар во домашното првенство па потоа имаме и тешок натпревар против Будуќност. Во мое име сакам да им се заблагодарам и на навивачите на Партизан за дочекот.
За жал не е се добро бидејќи сакам да добар начин да го претставам и мојот клуб МЗТ кој се врати во АБА по неколку сезони. Тоа е клуб кој има 20 титули, повеќекратен шампион на Македонија. Голем клуб кој е во лоша ситуација во моментот и кој и е потребен на АБА. Ќе дадеме се од себе до крајот на првенството за да ја надминеме оваа ситуација во која се најдовме. До крајот нема да имаме ривали како Црвена Звезда и Партизан, каде разликата е исклучително голема во однос на другите клубови.
Се зависеше од Партизан, денеска шутираа 13 од 17 за три поени. Не морам јас да го фалам Партизан тие самите говорат за себе. Клубови со 10, 20 и повеќе пати поголеми буџети губат со голема разлика. Не покажавме денеска ништо, но во следните натпревари не очекуваат полесни натпревари. Ќе се обидеме до крајот да направиме се пто можеме.
Нема да биде лесно. Ни следат натпревари дома против посилни екипи и гостувања против послабите кои ќе бидат тешки. Ќе ни бидат потребни изненадувања дома и победи на гостувања кај три ривали од кои еден мора да добиеме бидјеќи во спротивно нема да се пишува добро. Верувам дека навивачите на МЗТ ќе ни дадат поддршка“, изјави Николиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
