Македонската репрезентација веќе почна да се подготвува за најголемиот настан ова лето, Европското фудбалско првенство. Селекторот Игор Ангеловски ги стартуваше тренинзите со фудбалерите на кои ќе смета за претстојниот турнир, а Бобан Николов ги потенцираше очекувањата за европскиот собир.
Фудбалерот на италијански Лече истакна дека сите фудбалери кои се тука се подготвени да го дадат својот максимум на зелениот терен и да го дадат последниот атом од силата, а истовремено даде голема поддршка за Енис Барди, кој доби позитивен на Ковид-19 и нема да биде со тимот од стартот.
„Тренираме добро и напорно, но мора да се подготвиме максимално за првенството. Прво чека меч со Словенија, потоа со Казахстан, се надевам дека ќе ги одиграме мечевите добро и дај Боже да бидеме сите здрави и без повреди да можеме да се покажеме максимално. Видовме што се случи со Барди, знаеме дека тој е наш херој и ќе го преброди ова. Има целосна поддршка. Спремни сме да ја направиме македонската нација пак горда. Голема е разликата кога играш во клуб и во репрезентација. Тука сме заедно за една цел и македонската јавност нема да зажали што не поддржува. Знаеме да се носиме со таа тежина и притисок, многу пати сме го покажале тоа. Кога било најтешко секогаш сме покажувале карактер. Оваа репрезентација има сила и карактер и цел Балкан ќе навива за Македонија. Ова ЕП е шлагот на тортата за сите резултати“, изјави Николов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
