ЕКИПА во Гибралтар
Еден од најдобрите македонски поединци на денешниот дуел во Гибралтар, Бобан Николов веднаш по дуелот на Пиринеите го истакна незадоволството од теренот и условите за игра на „Викторија стадионот“ во Гибралтар, нагласувајќи дека во едни такви услови најважно е што Македонија заминува со победа.
„Ова е навистина катастрофа од стадион и терен. Тоа мора да го кажам, и кога на сета таа неквалитетна вештачка трева ќе се дополни и силниот ветер навистина беше тешко да се игра. Искрено не знам како дозволуваат да се игра тука. Но, за нас е најважно што дојдовме до трите бода па сега се фокусираме на натпреварите со Грузија и со Гибралтар во Скопје“ – истакна Николов, кој ја запечати победата од 0-2.
„Да, секогаш е задоволство кога ќе се постигне гол. Но, најмалку е важен стрелецот важно е да се редат победите. Во текот на мечот ја променивме формацијата, но за нас не се важни формациите во кои играме, затоа што сме спремни за секоја задача од селекторот и секогаш исполнуваме тоа што ќе каже селекторот. Така беше денеска, и ја исполнивме нашата цел“.
Николов се осврна и на новите имиња во македонската селекција…
„Сакам да им честитам на Дени Илиев, Серафимов и Тодороски за дебито. Важно е за нив што почнаа со победа, имаа на почетокот малку трема, но ќе кажам и под вакви услови секогаш е тешко да се игра и затоа успешно го завршија дебито и се надевам дека брзо чекорат во иднина да бидат и тие носители во репрезентацијата“ – рече Николов.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
