Игор Карачиќ ќе остане во Киелце и во следните три години откако денеска го официјализираше продолжувањето на соработката со полскиот тим. Со тоа дефинитивно се отфрла можноста за камбек во редовите на Вардар и покрај гласините за истото.
Карачиќ е дел од Киелце од 2019 година каде премина токму од двократниот европски шампион Вардар. Како потсетување хрватскиот репрезентативец помина седум години во „црвено-црниот“ дрес и беше дел од најголемите успеси во клупската историја.
„Можам само да кажам дека сум среќен што успеавме да се договориме со клубот и што ќе можам да ја продолжам мојата кариера во Келце. Со сопругата се чувствуваме одлично овде и имаме сè што ни треба. Клубот е на највисоко можно ниво и нашите амбиции растат со секој нов ден. Во овој проект веќе е многу вложено и се надевам дека ние, играчите предводени од нашиот тренер ќе успееме да ги реализираме сите планови. Верувам дека нема да останеме без успеси и ќе ги израуваме и нашите навивачи“, изјави Хрватот.
🗨️ “Jestem szczęśliwy w Kielcach.”
Igor Karačić zostaje z nami!
👉 https://t.co/HwW8Xpj5jO#gramyRAZEM #dawajDAWAJ pic.twitter.com/K5z2rwfPAx— Łomża Vive Kielce (@kielcehandball) December 16, 2021
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
