Мануел Нојер продолжува да испишува историја со германската репрезентација, откако фантастичниот голман со настапо на денешниот натпревар против Унгарија стигна до два нови рекорда.
Овој дуел е вкупно 36. во кариерата на Нојер на големите натпреварувања, со што тој стана голман со најмногу настапи во историјата, севкупно на европските и на светските шампионати. Досегашен сопственик на овој рекорд беше Французинот Хуго Љорис со 35 средби, а Нојер со двете средби од почетокот на ова ЕП е нов апсолутен рекордер.
Воедно, тој се израмни со Џанлуиџи Буфон како голман со најмногу настапи на европските шампионати. Нојер и Буфон сега имаат по 17 настапи на континенталните собири, оставајќи ги зад себе Едвин ван дер Сар и Руи Патрисио со по 16 и Љорис со 15 натпревари. Се очекува на мечот од третото коло во групата против Швајцарија Нојер да стане апсолутен рекордер и во оваа категорија.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
