Голманот на Баерн Минхен, Мануел Нојер би можел да се врати во националниот тим на Германија за Светското првенство 2026 година, доколку Германија се соочи со проблем околу голманската позиција.
Додека Тер Штеген е повреден, голманите во Германија се менуваат, па бранат Бауман или Нубел, но според информациите и двајцата не ги оправдале очекувањата од Нагелсман.
Се ќе биде во зависност од тоа како ќе се врати Тер Штеген од тешката повреда на коленото. Голманот на Барселона е на рехабилитација, и се чини дека оваа сезона за него е завршена, ќе се врати дури на почетокот на следната. Но, доколку не биде во посакувана форма, би можела Германија на помош да го повика Нојер да биде дел од Мундијалот во САД, Мексико и Канада, и таму да ја заврши репрезентативната кариера.
Нојер има 38 години, и се реши да стави крај на репрезентативната кариера после Европското првенство минатата година во Германија. По повлекувањето, од германската федерација му соопштиле дека вратата во националниот тим секогаш ќе биде отворена во случај да се премисли.
Manuel Neuer returning to the national team for next year’s World Cup is a possible scenario if Marc-André ter Stegen fails to rediscover his best form after his injury. Neuer had initially wanted to take a break from the national team, but his contract situation at Bayern at the… pic.twitter.com/tLGhyNeeXr
— Bayern & Germany (@iMiaSanMia) March 18, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
