Нордиската комбинација, во која натпреварувачите се натпреваруваат во скијачки скокови и крос-кантри, би можела да го има своето последно издание на Зимските олимписки игри 2026 година во Милано.
Во програмата на најголемата спортска смотра во светот е од 1924 година, но веќе во 2026 година може да стане поранешен олимписки спорт. Причината е родовата еднаквост. Ова е моментално единствениот спорт во програмата на ЗОИ, кој го нема во женска конкуренција.
Меѓународниот олимписки комитет е горд што 47 отсто од натпреварувачите во Милано ќе бидат жени, а нордиската комбинација ја расипува таа слика.
Пред три години нордиската комбинација го преживеа гласањето и остана во олимписката програма. Сите кои го сакаат овој спорт се плашат дека следното гласање може да биде фатално и дисциплината да исчезне од Зимските олимписки игри.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
