Ландо Норис ја освои својата трета последователна пол позиција во Формула 1 откако триумфираше во многу тешката квалификациска сесија пред трката за Големата награда на Лас Вегас.
Битката за пол-позицијата се водеше во влажни услови, при што возачите можеа да менуваат гуми само во третата фаза од квалификациите. Со нив, Норис успеа да заврши круг за 1:47.934 во својот последен летечки круг, победувајќи го Макс Верстапен за 0.323.
Трет на стартната линија ќе биде возачот на Вилијамс, Карлос Саинц, за кого ова е втор пласман меѓу првите тројца во квалификациите оваа сезона откако стартуваше од првиот ред во Баку. До Шпанецот на вториот ред ќе биде Џорџ Расел, додека главниот ривал на Норис во трката за титулата, неговиот колега од Мекларен, Оскар Пјастре, ќе стартува само петти.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
