Репрезентацијата на Норвешка го освои 5. место на Европското првенство откако славеше дури по продолжение против Исланд со 34-33, со што си обезбеди директно место на следното Светско првенство.
Во првото полувреме Норвежаните беа далеку подоминантна селекција на паркетот, завршувајќи ги првите 30 минути со предност од 16-12.
Но, во вториот дел целосен пресврт во играта на Исланѓаните кои на две минути пред крајот дојдоа и до предност од 26-27. Сепак до крајот Норвешка израмни обезбедувајќи продолженија на мечот. А, во продолжението Норвежаните беа посреќни за конечна победа и покрај тоа што на две минути пред крајот имаа и негатива од 32-33.
Најефикасен во победничкиот тим беше Сагосен со осум погодоци, а Реинкинд заврши со шест гола. Кај Исланд Магнусон беше најдобар со 10 постигнати гола.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
