Вест Хем продолжува со очајните партии во Премиерлигата, откако на домашен терен вечерва беа поразени од Нотингем Форест со 1-2 во рамките од 21. коло во најсилната лига во Англија. Со тоа тимот од Лондон загуби во директната пресметка за опстанок, и сега заостанува неверојатни седум бодови од својот денешен ривал. Нотингем до победата стигна со пресврт и со гол во финишот.
Автоголот на Мурило му донесе предност на Вест Хем во 13. минута. Потоа „чеканите“ постигнаа гол, кој им беше поништен поради офсајд, и тука тргна се надолу за домашните.
Домингез во 55. минута израмни, а Гибс-Вајт од пенал во 89. минута ги донесе трите бода за гостите, и проблемите за домашните кои мора да регираат во јануарскиот преоден рок ако сакаат да го изборат опстанокот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
