Изминатата ноќ во НБА лигата се одиграа шест натпревари. Актуелниот шампион Денвер нагетс стигна до нов триумф во тековната сезона откако на домашен терен славеше против Торонто репторс со 125-119.
Повторно најдобар во тимот на победникот беше Никола Јокиќ кој мечот го заврши со трипл-дабл учинок од 35 поени, 17 скока и 12 асистенции. Кај поразените се истакна Ер-Џеј Берет со 26 поени.
Нова феноменална вечер имаше и Лука Дончиќ во побеата на неговиот Далас маверикс над Чикаго булс од 92-127. Словенецот заврши со трипл-дабл учинок од 27 поени, 14 асистенции и 12 скока. Кај поразените Онуралп Битим постигна 17 поени.
Во останатите мечеви од синоќешната понуда: Детроит – Шарлот 114-97, Кливленд – Феникс 111-117, Сан Антонио – Голден Стејт 102-112 и Портланд – Бостон 99-121.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
