Унгарскиот ракометен клуб Веспрем го продолжи договорот со македонскиот репрезентативец Дејан Манасков. Левото крило ја продолжи соработката со европскиот вицепрвак за дополнителни две сезони и стави потпис на верност до јуни 2022 година.
Манасков имаше забележителни партии во дресот на Веспрем оваа и минатата сезона, па раководството на клубот одлучи да му понуди нов договор. Покрај Македонецот, нови договори до 2022 година потпишаа и Гашпер Маргуч и Петар Ненадиќ. Голманот Родриго Коралес стави потпис на нов четиригодишен договор со Веспрем.
Унгарскиот клуб се наоѓа во група заедно со Вардар во Лигата на шампионите и славеше убедлив триумф над „црвено-црните“ во Скопје. По десет натпревари во групата Б, Веспрем е второпласиран со 14 бода, а Вардар се наоѓа на шестата позиција со девет освоени бода. На врвот е Кил со 16 бода.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
