Полскиот тенисер Камил Мајшак е позитивен на допинг тест. Тој на допинг тестот паднал во периодот од октомври до ноември годинава, а околу целата ситуација самиот испрати соопштение до јавноста.
Мајшак во моментов се наоѓа на 77. место на АТП листата. 26-годишникот се уште нема ниту една АТП титула во кариерата.
„Имам неверојатно тажни вести да споделам со вас. Позитивно сум тестиран на анти-допинг тестовите во октомври и ноември годинава. Прво, никогаш свесно не сум земал супстанци кои се забранети. Во овој момент немам идеја како се случило ова, навистина сето ова е голем шок за мене. Ја почнувам најтешката борба во мојот живот. Битката за докажување на невиноста и враќање на спортот кој го сакам“, изјави Мајшак.
— Kamil Majchrzak (@KamilMajchrzakk) December 8, 2022
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
