Исник Алими продолжува со одличните настапи во сезоната. На денешниот натпревар против Поли Иаси во 16. коло од романскиот шампионат, македонскиот репрезентативец стрелаше за изедначување во победата на Сепси со 1-2 и тоа по целосен пресврт.
За Алими тоа е третиот гол во романското првенство откако претходно ја тресеше мрежата и против Херманштад и Ботосани. Покрај трите гола тој има и две асистенции.
Со денешната победа Сепси стави крај на серијата од два натпревари завршени со изедначен резултат и се искачи на шесттото место на табелата со 22 освоени бодови.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
