Уникс Казањ и македонскиот репрезентативец Ненад Димитријевиќ им се вратија на победите во ВТБ лигата откако во 31. коло славеа на гостувањето кај Енисеј со убедливи 69-93 во натпревар во кој гостите одиграа доминантна трета четвртина која ја добија со 26-9.
Зад Димитријевиќ е уште еден одличен настап кој го заврши со 14 поени зад своето име со реализација 5/7 во обидите за два, 1/3 во обидите за три поени и 6/10 од линијата за слободни фрлања. Покрај тоа Македонецот додаде и шест асистенции и четири скокови.
Во оваа победа Уникс одново стекна преднсот од една победа пред ЦСКА Москва на врвот на табелата, но тимот предводен од македонскиот стратег Емил Рајковиќ допрва треба да го одигра натпреварот од 31. коло против Парма Парм.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
