Аргентинскиот интернационалец Гонзало Игуаин би можел да го пропушти и реванш натпреварот против Тотенхем во осминафиналето на Лигата на шампионите на 7.март. Тој заработи повреда на скочниот зглоб на мечот против Торино, а опоравувањето оди многу бавно и тој се уште чувствува голема болка. Првичните најави беа дека сигурно ќе биде во комбинација за гостувањето во Лондон, но сега работите се искомпликуваа.
Ова сигурно е уште една главоболка повеќе за тренерот Масимилијано Алегри, кој не може да смета ниту на Федерико Бернардески, Хуан Квадрадо и Матија де Шилјо.
„Старата дама“ вечерва го игра реванш натпреварот од полуфиналето на Купот на Италија, а Игуаин воопшто не е во комбинација за настап.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
