Се е подготвено за нокаут фазата од ЕВРО 2024, а интересно е што од шеснасетте селекции кои остана во игра, дури четири доаѓаат од Италија.
Доколку пласманот на европскиот првак Италија во осминафиналето е очекуван, големо изненадување приреди Словачка, на чија клупа се наоѓа Франческо Калцона. Стратегот што ја заврши сезоната и како предводник на Наполи успеа да освои четири бода во групата со Белгија, Романија и со Украина, остварувајќи историски успех со словачката репрезентација.
Воедно, тој во директната пресметка го совлада сонародникот Доменико Тедескона чело на Белгија, но и двајцата Италијанци од оваа група сепак стигнаа до пласман во нокаут-фазата.
Серијата на успеси на италијанските стратези ја заокружи Винченцо Монтела, кој забележа две победи на трите меча со Турција во групата Ф, со што оваа репрезентација го освои второто место.
Единствениот италијански стратег кој беше дел од ова ЕП, а не успеа да се пласира во осминафиналето е Марко Роси, кој со Унгарија стигна до третото место во групата А, но немаше среќа по исходите во остатите групи, па неговата селекција прерано го заврши настапот на ЕВРО 2024.
4 – #EURo2024 is the first European Championship in which more than two coaches of the same nationality have progressed the group stage: Luciano Spalletti, Domenico Tedesco, Francesco Calzona and Vincenzo Montella. Tricolore. pic.twitter.com/rumGjB4IMi
— OptaPaolo (@OptaPaolo) June 28, 2024
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
