Српската репрезентација преку ноќ претрпе големи промени. По поразот од Албанија во Лесковац вчера, екипата веќе се подготвува со нов селектор за дуелот со Андора во вторник.
Јасно е дека Србија ќе биде предводена од Зоран Мирковиќ како в.д. селектор, до наоѓање на трајно решение, а сега покрај смена на селекторот, и составот на репрезентацијата претрпе измени.
Покрај селекторот Стојковиќ, репрезентацијата ја напушти и целиот стручен штаб кој работеше со него. Сега во Андора нема да патуваат ниту петмина играчи.
Станув азбор за Никола Миленковиќ, Лука Јовиќ, Предраг Рајковиќ, Андрија Живковиќ и Драган Росиќ. Тие не се најдоа на списокот на патници поради повреди, исцрпеност и температура, а дополнителни повици добија Лука Лијескиќ од Раднички Крагујевац, Вук Драшкиќ од Црвена Звезда и Михајло Цветковиќ од Андерлехт.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
