Тренерот на ПСЖ, Унаи Емери, не може да крене глава од проблеми во пресрет на реваншот од осминафиналето во Лигата на шампионите против Реал Мадрид. Откако вчера и официјално беше објавено дека Нејмар ќе оди на операција и нема да може да настапи против „кралевите“, на синоќешниот натпревар од Купот на Франција се повреди и второто најскапо засилување на ПСЖ, Килијан Мбапе.
Францускиот ас мораше да биде заменет на полувремето од дуелот со Олимпик Марсеј, а неговиот настап против Реал сега е крајно неизвесен.
„Мбапе беше незгодно удрен во зглобот во првиот дел и самиот побара да биде заменет, да не игра во второто полувреме. Искрено се надевам дека не станува збор за нешто посериозно“ – изјави Унаи Емери.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
