Истрагата за смртта на Диего Марадона, еден од најдобрите фудбалери на сите времиња, сè уште трае во Аргентина.
Обвинителите кои работат на случајот наредија истрага против 44-годишниот Максимилијан Тримархи, возач на Марадона. Тримархи сведочеше дека тој не бил во куќата во која починал Марадона, но камерите и податоците од неговиот мобилен телефон го тврдат спротивното.
Тримархи беше возач на Марадона и брат на сметководителот на Диего кој водеше неколку бизниси на славниот Аргентинец. Обвинителот наредил претрес во станот на Тримархи и одземање на неговиот мобилен телефон и лаптоп. На камерите е регистрирано како Максимилијан неколку пати влегува во куќата во која починал Марадона, иако тој негирал за полицијата.
Медиумите од Аргентина објавија фотографии од куќата на Марадона во која тој почина, а за која се вели дека не ги исполнувала условите за сместување и престој на тешко болен пациент.
Инаку, Марадона почина на 61 година од акутен белодробен едем, а истрагата по неговата смрт откри низа неуспеси во третманот откако беше пуштен на домашно лекување по операцијата на мозокот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА