Ливерпул реди победи во Премиер-лигата, но навивачите на „црвените“ остануваат едногласни дека Дејан Ловрен се уште е најслаба алка во тимот на Јирген Клоп. А и самиот Хрват не помага премногу за промена на овој став, откако на секој натпревар има „потег за паметење“ што ривалите неретко знаат да го искористат.
Ловрен беше во елемент и на вчерашниот меч со Кардиф, кога трчајќи назад од противничкиот шеснаесетник се испружи на тревата. Можеби сакаше да изглуми пенал, ама ја утна страната, или пак беше сопнат од „дух“ на „Енфилд роуд“.
Како и да е, сеир на Хрватот меѓу првите му фати Џејмс Милнер, кој го постираше видеото од смешната случка со порака: Нови четири гола на „Енфилд“… и нова мајсторија на Дејан.
Another 4 goals at Anfield… and another Dejan masterclass… ?#dontworrymatenobodysaw#kopsniper pic.twitter.com/SVF8ovoZ8Z
— James Milner (@JamesMilner) October 27, 2018
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
