Капитенот на Реал Мадрид, Дани Карвахал, ќе биде подложен на артроскопија на десното колено бидејќи му е дијагностицирано туѓо тело во зглобот. Шпанските медиуми проценуваат дека 33-годишниот дефанзивец ќе биде надвор од теренот два до три месеци.
Пред ова, Карвахал беше надвор од теренот еден месец – од натпреварите од Лигата на шампионите поради инцидентот против Марсеј, кога со глава го удри голманот на Марсеј, Хиеронимус Рули, и ги пропушти натпреварите против Виљареал и Хетафе поради мала повреда на листот.
Тој одигра 59 минути во дебаклот на „кралскиот“ клуб, кој убедливо загуби од Атлетико Мадрид, кога „јорганџиите“ триумфираа со 5-2, а потоа одигра 19 минути против Барселона.
„Ел Класико“ заврши со победа на Реал, иако беше засенето од неспортското однесување на некои играчи во двата табора, но мадридскиот тим го плати триумфот над својот најлут ривал со отсуството на својот капитен.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
