Лука Циндриќ се наоѓа на чекор до мегатранасфер во редовите на Барселона, откако преговорите на каталонскиот гигант со Кјелце за хрватскиот репрезентативец тргнале чекор напред. Ова го потврди и првиот човек на Кјелце, Бертус Сервас.
„Циндриќ има договор со нас до 2021 година, но веќе реков дека ако Барса плати сума што е задоволителна за нас ќе му дозволиме да си замине. Можам да кажам дека се наоѓаме многу блиску до заеднички јазик, втората понуда што ја добивме е многу поблиску до она што го очекуваме. Конечната одлука сепак е на каталонскиот гигант“ – изјави Сервас.
Кјелце е подготвен за продажба на Циндриќ, но Сервас очекува заработка од најмалку еден милион евра. Полскиот првак веќе ангажираше и замена за Циндриќ за наредната сезона, и тоа уште еден „вардарец“, Хрватот Игор Карачиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
