Претседателот на Судиската комисија на ФИФА и поранешен легендарен италијански судија Пјерлуиџи Колина предложи промена на правилата за изведување пенали.
Колина сака да го укине правилото дека играчот може да постигне гол од белата точка откако голманот одбранил удар.
„Едно решение е правилото „еден шут“. Исто како во пенали по продолженија. Без дозвола да можеш при интервенција на голманот да постигнеш гол. Или ќе дадеш гол или ќе биде гол-аут“, вели Италијанецот во интервју.
Ова би значело дека играчот кој го изведува пеналот или кој било друг член на неговиот тим може да искористи само еден шут за да постигне гол. Италијанецот наведува дека во просек се изведуваат 75 отсто од пеналите, а често пеналот е поголема шанса од онаа пред фаулот.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
