Нов шок за српскиот фудбал и белградски Партизан, откако на само 43-годишна возрас почина поранешниот фудбалер на црно-белите, Драгољуб Јеремиќ.
Јеремиќ, кој е роден на 9. август 1978 година, во периодот од 2006 до 2008 година настапуваше и за шампионските генерации на Работнички оставајќи силна трага во таборот на „романтичарите“ во периодот кога беше воден од Трифун Костовски. Фудбалската кариера ја почна во Партизан, а ја заврши во тимот на Бежанија.
„Секогаш кога ќе помислиме дека ќе запрат тагите, животот не демантира и ни задава нов удар. Затоа е тешко да пронајдеме зборови со кои ќе се збогуваме од уште еден голем фудбалер на Партизан и поранешен репрезентативец, Драгољуб Јеремиќ. Нека ти е вечна слава“ – се збогуваа и од Партизан на социјалните мрежи, споделувајќи ја тажната вест.
Според информациите од српските медиуми Јеремиќ последните неколку денови ги минал во болница, но не се соопштени причините за смртта.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
