Новак Ѓоковиќ откажа уште еден турнир откако најави дека нема да учествува на Светската тениска лига. Абу Даби ќе биде домаќин на натпреварувањето од 19. до 22. декември, а учесниците се веќе познати. За пехарот ќе се борат четири екипи.
Забележливо е дека на листите на тимовите недостасуваат најатрактивните тенисери, бидејќи освен Ѓоковиќ, ги нема ниту Јаник Синер, Карлос Алкараз и Александар Зверев. Од друга страна, на теренот ќе бидат водечките светски тенисерки. Од најатрактивните ќе недостасува само Коко Гоф.
Најдобро рангиран учесник во машка конкуренција треба да биде Данил Медведев, кој ќе ги предводи Соколите. Останати членови на овој тим се Јелена Рибакина, Каролин Гарсија и Андреј Рубљов.
Орлите ќе бидат сочинети од: Ига Швјонтек, Барбора Крејчикова, Хуберт Хуркач и Каспер Руд. Jaстребите ќе ги сочинуваат: Арина Сабаленка, Мира Андреева, Тејлор Фриц и Самит Нагал, додека дел од Змејовите ќе бидат: Јасмин Паолини, Паола Бадоса, Стефанос Циципас и Ник Кирјос.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
