Новата сезона во Првата и во Втората македонска фудбалска лига ќе биде и со одредени измени во критериумите за судење кои изминатиов период беа донесени од ФИФА и од УЕФА.
Новите измени во критериумот за судење, како што одлучија ФИФА и УЕФА, важат од јули 2023 година па ќе бидат дел од правилата и на македонската фудбалска сцена од новата 2023/24 сезона.
Од новите критериуми е јасно дека ќе има што помалку толеранција за неспортско однесување и на тренерите, и на фудбалерите на терен и на комплетните клупи. Ќе има промени и во проценките за надополнување на изгубеното време.
НОВИТЕ КРИТЕРИУМИ ЗА СУДЕЊЕ ЗА СЕЗОНАТА 2023/24
1.ТЕХНИЧКА ОБЛАСТ
- САМО ЕДЕН МОЖЕ ДА СТОИ ВО ТЕХНИЧКАТА ОБЛАСТ И ДАВА СУГЕСТИИ НА ИГРАЧИТЕ ОД СВОЈАТА ЕКИПА
- ТОЛЕРАНЦИЈАТА НА НЕСПОРТСКО ОДНЕСУВАЊЕ НА КЛУПИТЕ ОД СТРАНА НА СУДИИТЕ Е НУЛА
2.ТРЕНЕР
- ТРЕНЕР КОЈ НЕ ПОКАЖУВА РЕСПЕКТ И ПОЧИТ НА СУДИИТЕ, КОЈ СЕ ОДНЕСУВА НАСИЛНО, ПРОВОКАТИВНО, ОМАЛОВАЖУВАЧКИ, КОЈ ВЛЕГУВА ВО ТЕХНИЧКА ОБЛАСТ НА ДРУГАТА ЕКИПА, ВЛЕГУВА ВО ОБЛАСТА НА ЧЕТВРТИОТ СУДИЈА, КОЈ СЕ КОНФРОНТИРА, ГЕСТИКУЛИРА НА СУДИСКИ ОДЛУКИ – ЗА ВАКВО НЕСПОРТСКО ОДНЕСУВАЊЕ СЕ ДОДЕЛУВА ДИСЦИПЛИНСКА МЕРКА – ЦРВЕН КАРТОН.
3.ИГРАЧИ ВО ТЕРЕН
- ЗА ВРЕМЕ НА ИГРА АКО ИГРАЧ ИЛИ ИГРАЧИ ПОКАЖАТ НЕПОЧИТУВАЊЕ НА ОДЛУКИТЕ НА СУДИИТЕ, ВРШАТ ПРИТИСОК ВРЗ НИВ НА БИЛО КОЈ НАЧИН СО ПОКРЕТИ И ГЕСТИКУЛАЦИИ. ЗА ВАКВО НЕСПОРТСКО ОДНЕСУВАЊЕ СЕ ДОДЕЛУВА ДИСЦИЛИНСКА МЕРКА – ЖОЛТ КАРТОН
- ДОСЕГАШНИОТ КРИТЕРИУМ АКО Е ДОСУДЕНА ИГРА СО РАКА, А ПРИ ТОА ТОПКАТА ПРЕД ДА УДРИ ВО РАКА Е УПАТЕНА ПРЕМА ГОЛОТ ДА СЕ ДОДЕЛИ И ЖОЛТ КАРТОН, ПОВЕЌЕ НЕ ВАЖИ.
- АКО ТОПКА Е УПАТЕНА ОЧИГЛЕДНО ВО РАМКИТЕ НА ГОЛ СЕ ДОСУДУВА САМО ИГРА СО РАКА БЕЗ ДИСЦИПЛИНСКА МЕРКА. ДИСЦИПЛИНСКА МЕРКА ЖОЛТ КАРТОН ОСТАНУВА АКО ИМА НАМЕРНА ИГРА СО РАКА ИЛИ АКО СО ИГРАТА СО РАКА СЕ СПРЕЧУВА ВЕТУВАЧКА АКЦИЈА.
4.НАДОКНАДА НА ИЗГУБЕНО ВРЕМЕ НА ИСТЕК НА РЕГУЛАРНОТО ВРЕМЕ.
- ПОКРАЈ ИЗГУБЕНОТО ВРЕМЕ ЗА ИЗМЕНИ НА ИГРАЧИ (30 СЕКУНДИ ЗА ИЗМЕНА) КАКО И ЗА ВЛЕГУВАЊЕ НА ЛЕКАР ВО ТЕРЕН (60) СЕКУНДИ СУДИЈАТА МОРА ДА ГО НАДОМЕСТИ И ИЗГУБЕНОТО ВРЕМЕ КОГА СЕ ОДОЛГОВЛЕКУВА ИЗВЕДУВАЊЕ НА СЛОБОДЕН УДАР, ИЗВЕДУВАЊЕ НА АУТ, КОГА СЕ ИЗВЕДУВА УДАР ОД ГОЛ (гол аут), КАКО И ВРЕМЕТО ЗА ПРОСЛАВА ПРИ ПОСТИГНАТ ГОЛ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
