Екипата на Милан може да остане без услугите на Томазо Побега долго време. Играчот од средниот ред се здоби со повреда на натпреварот со Монца во неделата, а првите прегледи покажаа дека станува збор за оштетување на тетивата на левата нога.
Фудбалерот идната недела ќе биде подложен на нови тестирања, а потоа ќе се знае дали ќе оди на операција. Доколку се случи тоа, тогаш Милан ќе остане без неговите услуги неколку месеци.
Ова е уште еден проблем за тренерот Стефано Пиоли кој во изминатите месеци едвај го крпеше тимот поради повреди. Вакви повреди имаа и Калулу, Леао и Лофтус-Чик во различни периоди во минатите недели. Навивачите, пак, сметаат дека токму Пиоли е виновникот за честите повреди на играчите.
На средбата со Монца, исто така се повреди и Ноа Окафор. Во моментов надвод од стројот е и Малик Тиао.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
