Тренерот на Милан, Стефано Пиоли, се соочува со огромни проблеми откако нови тројца фудбалери на „росонерите“ се заразија од коронавирус непосредно пред продолжението на сезоната. Милан денеска го игра дерби-дуелот против Рома, од претходно позитивни се Татарушани и Кастилјехо, но „росонерите“ објавија за три нови случаи на Covid-19 во своите редови.
Имињата не беа официјално објавени, но италијанските новинари обелоденија дека станува збор за дефанивците Томори, Ромањоли и Калабрија. Овие тројца играчи воопшто не биле дел од вчерашните тренинзи на екипата, не се појавиле во тренинг-центарот Миланело, по што е извесно дека токму ова трио поради коронавирус се наоѓа во самоизолација.
Само за потсетување, „росонерите“ се и без помошта на Кеси, Бенасер и Бало-Туре, кои отпатуваа на Купот на Африкански Нации, додека Кјер и Пелегри се повредени.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
