Македонскиот репрезентативец Бојан Миовски, игра во одлична форма во шкотски Абердин. После голот против едниот гигант Селтик, синоќа го „тресна“ и вториот шкотски гигант Глазгов Ренџерс. Миовски така го постигна 20-тиот гол во сезоната во сите натпреварувања за Абердин.
Новиот тренер на Абердин, легендарниот Нил Ворнок смета дека клубот направил вистински потег што не го продал во зимскиот преоден рок, и дека очекува Миовски да стигне до бројката 30 голови, а потоа клубот да заработи многу од негова продажба.
„Драго ми е што не беше продаден во зимскиот преоден рок. Абердин ќе заработи многу од продажбата на Миовски. Сигурен сум дека ќе постигне 30 голови оваа сезона“, рече Ворнок и додаде:
„Му го кажав тоа и на Миовски, дека лесно ќе даде уште 10 голови затоа што ќе креираме шанси за него. Со тек на време се подобро се познаваме, момците ќе знаат во кој правец одиме, и Миовски ќе има повеќе шанси“, кажа Ворнок.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
