Екипата на Шкупи се огласи со ново соопштение по повод вчерашниот немил настан и прекинот на дуелот со Шкендија, кој подоцна ФФМ го регистрираше со службена победа за тетовскиот тим, која го пласираше во 1/2 финалето.
Шкупи уште еднаш се извини на вистинските љубители на фудбалот, и напомена дека и покрај ривалството кое го има со Шкендија, тие не се непријатели на Шкупи.
„Во име на нашиот клуб уште еднаш им се извинуваме на вистинските љубители на фудбалот, вистинските скопјани и вистинските љубители на спортот за вчерашните случувања. Повторно кажуваме дека тоа се неприфатливи настани. Не е можно да се толерираат оние кои ги прават овие работи, оние кои ги предизвикуваат овие настани. Од која било причина, не може да има објаснување за овие настани. Како што напоменавме во вчерашното соопштение, 3-4 години финансиски и морално работиме деноноќно за доброто на фудбалот на земјата и за името на Фудбалскиот клуб Шкупи. Клубот оди во позитивна насока и веќе 4 години игра во Европа, игравме во Лигата на шампионите и стануваме шампион. Одиме добро, и сакаме да играме во групите во Европа. Даваме се од себе да обезбедиме континуитет на успешност. Правиме се за да ја подобриме вредноста на нашиот клуб, вредноста на фудбалскиот бренд на државата, но во сегашната ситуација, името на клубот е извалкано и нашата работа е извалкана од неколку луѓе. За жал, се соочуваме со вакви инциденти кога тимот се враќа во игра за шампионската титула. Единствено нешто за што сме среќни е тоа што никому ништо не му се случи од потешки размери.
Да не заборавиме дека ниту еден трофеј, ниту еден успех, победа, не може да се мери со човечки живот. Сакаме да ги прашаме оние кои го предизвикаа вчерашниот инцидент: Во овие настани родител можеше да остане без своето дете, а своето дете без родител. Ги прашуваме луѓето, дали вредеше? Ако се случеше вакво нешто, дали ќе имаа совест да живеат со тоа што го предизвикаа? Зошто се случи тоа? Убав фудбалски натпревар, најубавото нешто во фудбалот е тоа што е убав спорт кој се игра заедно, без разлика на боја, јазик, религија, раса. Додека сакаме да ги одржиме овие вредности, нашиот клуб сега се третира поинаку поради овие луѓе. Ќе ја погледнеме вината и во нас и никогаш нема да дозволиме ова да се слулчи повторно.
Шкупи ќе даде се од себе вистинските навивачи, оние кои сакаат фудбал да ги заборават овие настани. ФК Шкендија е наш најголем ривал. Како што другите тимови ни се ривали, така и Шкендија ни е ривал, НО НИКОГАШ НАШ НЕПРИЈАТЕЛ. Оние кои сакаат да започнат непријателство, никогаш нема да ги постигнат своите цели. Како противници ќе претпочитаме секогаш да бидеме на добрата страна на фудбалот и подготвени сме да си подадеме рака и да направиме се за да не се повторат овие настани во фудбалот. Повторно, можеби имаме грешки, но јавноста цени дека тука гледаме најголема штета. Казните што ги плати клубот од минатата година, вклучително и европските купови, беа големи. Тоа многу го нарушува имиџот на клубот. Ветуваме дека ќе направиме се што е потребно за да се бориме со нив, сакаме да ги собереме работите што е можно поскоро и да продолжиме по нашиот пат. Повторно, искрено и одлучно им изразуваме на шефовите на држави, федерации, национални и локални власти дека сме отворени за секаков вид на соработка со цел да не се повторат вакви инциденти во фудбалот и да ги оддалечиме од фудбалот“, се вели во соопштението на Шкупи.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
