Дејан Георгиевски повторно ја израдува македонската спортска јавност откако нашиот сребрен олимпиец се закити со златен медал на елитниот Г1 турнир што викендов се одржува во Скопје.
Георгиевски за противник во големото финале го имаше Германецот Куцуесунхур, македонскиот репрезентативец доминираше, а при негово водство од 2-0 во втората рунда неговиот противник ја предаде борбата, на огромна радост на Георгиевски и на македонските фанови во салата „Јане Сандански“.
Со оглед на фактот дека овој Г1 турнир се бодува за олимписка норма, јасно е дека овој триумф на Георгиевски ќе биде од огромна важност во трката да се стигне до виза за учество на следните ОИ.
Само за потсетување, во текот на вчерашниот ден два златни медала за Македонија донесоа и нашите јуниорски репрезентативци Андреј Василевски и Христијан Симоновски.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
