Ги одби Жозе Мурињо, не се договорија со Роберто Мартинез и со Пауло Соуса, па челниците на Њукасл се решија за евтина варијанта кога е во прашање новиот менаџер. Стив Брус треба да го наследи Рафаел Бенитез на клупата на „чавките“, а ќе заработува „само“ еден милион фунти по сезона што ќе го направи „најевтиниот“ менаџер во Премиер – лигата.
Стив Брус последен пат водеше премиерлигаш во 2015 година, а сега се наоѓа на кормилото на Шефилд венздеј. Клубот бара 5 милиони фунти отштета за да го раскине договорот со менаџерот и да му дозволи да седне на клупата на Њукасл.
Претходниот стратег Рафаел Бенитез заработуваше 6 милиони фунти годишно како менаџер на Њукасл.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
