Њукасл Јунајтед продолжи онаму каде што застана пред паузата поради Светското првенство во Катар и во 17. коло од Премиерлигата стигна до 10. победа во сезоната со што се искачи на второто место на табелата.
„Црно-белите“ овој пат до трите бода стигнаа на гостувањето кај Лестер каде славеа со 0-3 благодарение на головите на Вуд во 3. минтуа, Алмирон во 7. минута и Жоелингтон во 32. минута.
На победа се радуваше и Фулам кој го доби лондонското дерби против Кристал Палас со 0-3. Рид го отвори мечот со гол во 31. минута, а во полза на домаќините не беше црвениот картон на Мичел во 34. минута.
Предноста од играч повеќе ја искористи Рим кој стрелаше во 71. минута, а српскиот интернационалец Александар Митровиќ кој претходно асистираше за двата гола на Фулам ја круниса со гол во 80. минута.
Во останатите натпревари до гостинска победа стигнаa и Брајтон кој славеше со 1-3 кај Саутемптон, како и Вулверхемптон кој гостувањето кај Евртон го доби со 1-2 благодарение на голот на Аит Нури во 95. минута.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА