Хабиб Нурмагомедов ќе се бори на 24. октомври против Џастин Гејтџи за светската титула во лесна категорија. Тоа треба да биде еден од најтешките предизвици за Дагестанецот кој е сигурен дека ќе победи и веќе го планира потоа и следниот негов меч, последен во кариерата.
Хабиб најави, по мечот со Гејтџи, дека сака борба и со легендарниот Сент Пјер, а првиот човек на УФЦ, Дана Вајт нема ништо против за еден таков спектакл.
„Знам дека Конор силно посакува нов меч со Хабиб, и тоа е борба која и ние ја сакаме, но не знам. Ќе видиме како ќе течат нештата. Секако отворено сум и за други борби. Ова момче е вредно за компанијата, за спортот. Го сакам Хабиб и ќе направам се што посакува“ – вели Вајт.
Легендарниот Сент Пјер некогаш беше најголемата УФЦ ѕвезда, шампион во средна и велтер категорија, но од 2013 година имаше само еден меч.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
