Пјер-Емерик Обамејанг се приклучи на листата на фудбалери кои по краток период минат во Саудиска Арабија се враќаат назад во европскиот фудбал.
Поранешниот голгетер на Арсенал и Барселона почека да му истече богатиот договор со Ал Квадсија, по што Обамејанг беше решен – враќање во Европа е единствена опција. Во меѓувреме тој доби неколку интересни понуди, за на крајот да пресече – враќајќи се во редовите на Олимпик Марсеј.
Tој беше член на Марсеј во сезоната 2023/24 (пред да замине за Ал Квадсија), играјќи одлично и постигнувајќи 17 погодоци за овој клуб. Во ситуација кога Олимпик се врати назад во Лигата на Шампионите, двете страни постигнаа договор Габонецот да се врати на „Велодром“ и да потпише до јуни 2027 година.
🚨🔵⚪️ Pierre Emerick Aubameyang to Olympique Marseille, here we go! 🔙
Contract until June 2027 agreed with OM overnight and all verbally done, as @Santi_J_FM reports.
Auba picks OM over bids from Saudi with Longoria, Benatia and De Zerbi on it… and ready to play UCL. 🇪🇺 pic.twitter.com/bLaN35K4U3
— Fabrizio Romano (@FabrizioRomano) July 19, 2025
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
