Објавени детали но и видео од последните мигови пред самоубиството на летонскиот кошаркар Тима (ВИДЕО)

  • Екипа
  • 17.12.2024 / 16:49
  • СПОДЕЛИ:

Летонскиот кошаркарски репрезентативец, Јанис Тима денеска беше пронајден мртов во хостел во Москва, по извршено самоубиство поради депресија по разводот со неговата досегашна сопруга, украинската пејачка Ана Седокова која живееше и работеше во Москва.

32-годишниот Тима во кариерата настапуваше за Рига, Лиепајас, Вентспилс, Зенит, а играше и во клубови од Евролигата како Химки, Басконија, Олимпијакос. Во подоцнежните фази од кариерата играше и за Дарушафака, но и за Умакао Гризес од Порторико, Обрадорио и Лејкленд Меџик кој е развоен тим на Орландо во НБА лигата.

Се самоубил поради депресијата во која се нашол по разводот со пејачката Ана Седокова. Двојката се разделила по четири години брак и Јанис чувствувал дека животот му е уништен поради тоа. Медиумите објавуваат детали за нивната бурна врска, но и дека планирал да се самоубие за што претходно ја известил Ана и преку социјалните мрежи.

Под една од објавите на Инстаграм профилот на Ана, Јанис го напишал датумот на неговото раѓање, но и датумот на кој планира да се самоубие. Пораката „09.07. 92 – 16.12. 24“ е особено морбидна ако сега се знае дека телото на познатиот кошаркар е пронајдено токму на 16 декември, датумот кој тој го посочи како негова смрт.

Руските медиуми објавија и видео од последните мигови на Јанис, непосредно пред неговото самоубиство.

Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА

  • СПОДЕЛИ:


Се вчитува...