Партизан направи уште еден голем чекор наназад во борбата за плејофот од Евролигата откако „црно-белите“ загубија на вечерашното гостување против Милано со минимални 85-83. АБА-шампионот има за што да жали бидејќи ова беше уште едно во низата гостувања во кои избраниците на Жељко Обрадовиќ одиграа егал во целиот меч, за во последните минути да претрпат пораз.
По натпреварот тренерот на „црно-белите“, Жељко Обрадовиќ изјави дека не му се верува дека неговиот тим успеа да го загуби овој меч…
„Тоа беше интересен натпревар, со голем број пресврти, резултатот многу пати се менуваше. Очигледно е дека игравме со голема мотивација, но на крајот загубивме, како и многу пати оваа година. Последните топки беа важни, но и некои други работи во првото полувреме. Имавме 13 напади повеќе од противникот и тоа не го материјализиравме, да го доведеме натпреварот до крај со пристојна разлика. Дозволивме да влеземе во неизвесна завршница каде што се е можно“, изјави Обрадовиќ.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
