Партизан синоќа пропушти извонредна можност за победа на гостувањето против Виртус Болоња во Евролигата. Но, „црно-белите“ во последните секунди, низ драматичен меч, и покрај тоа што имаа и 71-77 во финишот на крај загубија во важен натпревар во битката за плеј-оф во Евролигата.
Тренерот Жељко Обрадовиќ по мечот истакна дека ја знае причината за поразот на неговиот тим, но не може да ја објасни.
„Горд сум на мојот тим, иако имавме проблеми со некои играчи. Беше тоа одличен меч со многу падови во играта, кои ние сами го загубивме. Загубивме евтини топки во финишот поради агресивноста на Виртус, што значи дека тие си ја заслужија победата. Тука беше нашиот проблем- загубените топки. Многу би сакал да можам да објаснам, но не можам тоа да го објаснам ниту јас. Четири мали играчи да играат пресинг, ние не знаевме да ја пуштиме топката во игра. Имавме шест загубени топки во финишот на натпреварот, ете тоа одлучи“ – рече Обрадовиќ, притоа дополнувајќи:
„Лука Бјанки? Мислам дека играат одлична кошарка. Лука работи одлични нешта со тимот и факт е дека ќе се борат за првите четири места и Фајнл-фор во Евролигата“.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
