Андреас Обст беше еден од главните кошаркари на Германија во походот кон титулата на Светското првенство кое оваа година се одржа во Индонезија, Филипини и Јапонија.
Бекот имаше исклучително добар натпревар против САД во полуфиналето каде постигна 24 поени, а дел од нив беа клучни во самата завршница.
Говорејќи за „Еурохупс“ Германецот беше запрашан за популарната тема „Светски шампиони“ на што го даде својот одговор:
„Во НБА велат дека се светски шампион бидејќи најдобрите на светот играат таму, но тие се само шампиони на домашното првенство, а ние Германците сме шампиони на Светското првенство. Во НБА постојано го имаат тој став, мислат дека се најдобри во нешто и сигурно можат да најдат разни епитети. Смешно е што луѓето уште говорат за тоа. Можат да се викаат сами себе си како сакаат, но тоа не го менува заклучокот. Ние сме светски шампиони“, изјави Обст.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
