Очајни „граѓани“: Сити и Гвардиола понижени од Тотенхем среде „Етихад“ (ВИДЕО)

Продолжува кризата на Манчестер сити, една од најголемите во последните години. Пеп Гвардиола и „граѓаните“ доживеаја вистински дебакл на „Етихад“ вечерва во пресметката со Тотенхем на која загубија со 0-4, за трет пораз во низа.

Тотенхем максимално знаеше да ги реализира сите укажани шанси, иако и Сити имаше свои можности.

Уште во 13. минути Кулушевски одлично испрати една топка и го пронајде Медисон во шеснаесетникот кој стрелаше за 0-1. Само седум минути подоцна истиот фудбалер погоди и за 0-2.

Во 53. минута во листата на стрелци се запиша и дефанзивецот Педро Поро, а конечните 0-4 ги постави Џонсон во третата минута од судиското продолжение.

Ова е трет пораз во низа во Премиерлигата за Сити, претходно против „граѓаните“ се радуваа Бормут и Брајтон.