Од фудбалската федерација на Малта, истакнуваат задоволство од групата Ц во квалификациите за пласман на ЕП 2024 година. Малта е заедно со Италија, Англија, Украина и Македонија, и важи за целосен аутсајдер.
Претседателот на федерацијата Бјорн Васало, кажа дека групата е тешка, но дека овие противници мотивираат да се исполни стадионот, а исто така ќе биде добра можност играчите да играат на прекрасни стадиони.
„Ова е историска ждрепка, но добивме многу тешка група, сите го знаат тоа. Малта ќе има можност да биде домаќин на многу интересни натпревари кои ќе мотивираат повеќе навивачи да дојдат на нашиот стадион. Исто така, ќе биде искуство за малтешките нашите играчи да играат на познати стадиони. Верувам дека ќе се покаже дека Малта веќе расте на фудбалски план, и групата е одлична можност за тоа“, изјави Васало.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
