Организаторот на бараж натпреварот за пласман на Светското првенство меѓу селекциите на Данска и Македонија соопшти дека од почетокот на следната недела ќе почне со дистрибуција на билетите за пресметката на 26 март.
Сите оние кои купиле билети за секторот кој е предвиден за навивачите на македонската репрезентација од понеделник на своите мејл адреси ќе ги добијат билетите.
Според последните информации во продажба има уште мал број на билети и сите оние кои немаат обезбедено, а сакаат да ја бодрат репрезентацијата на Македонија на дуелот до Данска во Копенхаген може да купат.
Полуфиналниот бараж натпревар меѓу репрезентациите на Данска и Македонија се игра на 26 март на Паркен стадионот со почеток во 20 часот и 45 минути.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
