Одбојкарската репрезентација на Македонија претрпе уште еден пораз, трет во низа од селекцијата на Бугарија како дел од подготовките за новиот квалификациски циклус. По двата порази во Скопје, нашите одбојкари вечерва загубија и на дуелот во Софија, во кој бугарскиот национален тим славеше со 3-1 во сетови.
Македонија, која беше засилена со Филип Деспотовски, но недостигаше Маџунков, беше подобра во првиот сет триумфирајќи со 23-25, но тоа беше се што нашите одбојкари успеаја да сторат на овој меч. Бугарите израмнија со 25-18 во вториот сет, во третиот домаќините беа подобри со 25-22, за во четвртиoт повторно да слават со 25-18.
Овие контролни средби се одлична можност за воигрување пред клучниот јануарски циклус, квалификациите за ЕП против селекциите на Турција и БиХ што ќе се одржат во периодот од 11 до 16 јануари.
Крадењето авторски текстови е казниво со закон. Преземањето на авторски содржини (текстови и фотографии), како и нивно линкување НЕ е дозволено без согласност од Редакцијата на ЕКИПА
